Aktorja e humorit Rudina Dembacaj është rikthyer në ekran me një program të ri që transmetohet mbrëmjen e së premtes. “Mos i fol shoferit” quhet programi i ri që në fakt është i ngjashëm me programe të ngjashme në SHBA. Patenta amerikane e “Cash Cab” vjen për herë të parë në Shqipëri, me humor, quize si dhe të ftuar VIP.
Por përveç këtij rasti, ka dhe një sërë emisionesh të tjera që janë frymëzuar nga ato jashtë. Italia ka më shumë ndikim në Shqipëri. Gazeta italiane “Corriere della Sera”, në një shkrim të publikuar këto ditë, evidenton klonimin e emisioneve të televizionit italian në televizionet shqiptare.
Në shkrim përmenden disa formate të njohura në ekranet shqiptare, të cilat janë marrë copy-paste nga televizionet italiane. “Këtej “Striscia la Notizia”, andej “Fiks Fare” e “Ça thu..!?”.Këtej “Che tempo che fa”, andej “A Krasta Show”. Më poshtë mund të shihni disa nga emisionet shqiptare që janë kopje e atyre të huaja, edhe pse disa mund të kenë patentë:
“Mos i fol shoferit” me “Carpool Karaoke”
“Aldo Morning Show” me “Good Morning America”
“E Diela Shqiptare” dhe “Buona Domenica”
“Një mesazh për ty” dhe “Che una posta per te”
“Pasdite në Top Channel” dhe “Pomeriggio Cinque”
“Zonë e Lirë” dhe “Tout Le Monde en Parle”
“Xing me Ermalin” dhe “Jimmy Fallon Show”
“Striscia la notizia” me “Fiks Fare”
