Modelja shqiptare Emina Cunmulaj ka nisur pushimet në Greqi, bashkë me familjen. Ajo ka publikuar një foto ku shihet në një jaht luksoz me rroba banjo dhe një kartigan që mbulon linjat.
Por e veçanta e kësaj fotoje është flamuri që modelja mban në dorë. Pa asnjë frikë ajo ka ngritur në tokë greke flamurin shqiptar.
Kësaj fotoje, ajo ia ka lënë edhe një shkrim ku ka shprehur krenarinë e saj për nacionalitetin që i takon.
“Jam Shqiptare, bija e Shqiptarit”, ka shkruar modelja sipër fotografisë në të cilën duket mahnitëse me rroba banjo.
Megjithatë pavarësisht kësaj fotoje mjaft patriotike, disa nga fansat e modeles shqiptare janë shprehur të pakënaqur që Emina ka zgjedhur brigjet e Greqisë për pushime:
“Shqiptare je, po pushimet po i bën jashtë Shqipërisë”, i shkruan dikush.
