Emina Cunmulaj feston ditën e sotme 34-vjetorin e lindjes. Modelja me origjinë shqiptare nuk ka preferuar të organizojë një festë gjigande për ditëlindje, por ka zgjedhur të qëndrojë në shtëpi, me dy vogëlushet e saj. Ajo ka publikuar një video ku shfaqet me vajzën e saj të vogël Mia, e cila edhe përse është vetëm tre muajshe, ka dëshirë të ngrihet në këmbë.
“Të bekuar janë të gjithë ata persona, që e kuptojnë se çfarë kanë. Sot unë mbush 34 vjeç. Fillimisht dua të them se ndihem 24 vjeç (në mendjen time kuptohet) dhe se jam e bekuar, më shumë se çfarë ëndërroja. Kam dy ëngjëj të mrekullueshëm që më dhuroi Zotin dhe një bashkëshort që më mbështet dhe më dhuron shumë dashuri. Jeta është një udhëtim shumë i bukur dhe ka shumë rëndësi sesi zgjedhim ta jetojmë. Dashuria e lumturia që shpërndajmë, e mira që dhurojmë dhe paqja që gjejmë. E uroj këtë jo vetëm për veten time, por për këdo në këtë botë” – shkruan krahas videos në “Instagram” Emina Cunmulaj.
Me ardhjen në jetë të dy vajzave, Ella dhe Mia, Emina Cunmulaj i është dedikuar tërëisht dy vogëlusheve të saj dhe nuk ka preferuar t’i rikthehet pasarelave të modës.
