Aktorja e njohur Ema Andrea kohët e fundit ka qenë në qendër të vëmendjes së mediave rozë për lidhjen e saj me piktorin Eldon Luarasi. Fotot nudo të realizuara nga piktori, por edhe dedikimet romantike që ata i bëjnë njëri-tjetri na bindën se mes tyre ka më shumë sesa shoqëri.
Në një intervistë të dhënë së fundmi në “Wake Up” Ema tha se e ka zemrën plot, por nuk zbuloi më shumë. Ndërsa në media kjo deklaratë u bë titull kryesor, aktorja zgjodhi të reagonte me një postim në “Instagram” ku iu drejtohej gazetarëve se ata nuk dinin asnjë gjë për të vërtetën e saj.
Së fundmi aktorja është fotografuar në momente romantike me piktorin nga paparaci i “Story”. Çifti i njohur pas vrapit që kanë bërë janë fotografuar duke shkëmbyer një puthje.
Me sa duket Ema e ka vërtetë zemrën plot, por nuk do të bëhet shumë zhurmë për dashurinë e re që ka nisur.
