Qindra urime pushtuan rrjetet sociale dy ditët e fundit nga personazhet e njohur shqiptarë dhe duket se askush nuk mund të konkurrojë me Elvana Gjatën.
Krenarinë e të qenit shqiptare këngëtarja e ka shprehur gjithkund e gjithmonë, por sidomos në ditë të tilla si festat kombëtare, Elvana gjen edhe mënyrën më origjinale për të uruar.
Ajo postoi në “Instagram” foto dhe video artistike. Një sfond i kuq dhe një shqiponjë që i qëndron në krah, krahët e lyer me të kuq dhe shenja e shqiponjës me duar janë elementë të mjaftueshëm për të krijuar një urim unik për të gjithë shqiptarët.
“Ti Shqipëri më jep nder…”, shkruan te një foto Elvana dhe fansat kanë shpërthyer në përgëzime për origjinalitetin dhe urimin special.
Këngëtarja duket se ka gjetur këtë mënyrë për të “zëvendësuar” këtë vit hitin e realizuar dy vite më parë me Flori Mumajesin.
Ky i fundit e publikoi këngën “Kuq e zi je ti” pak ditë më parë në “Instagram”, duke hequr pjesën ku këndon Elvana.
Dyshja përflitej prej vitesh për një lidhje, të cilën nuk e pranuan kurrë.
Burimi: Instagram
