Këtë verë, Elvana Gjata është rikthyer fuqishëm me hite të reja si dhe me koncerte.
Së fundmi, ka qenë ajo vetë që ka ndarë në rrjete sociale një video nga prapaskenat e një prej koncerteve.
Këngëtarja ishte duke bërë një video teksa tenton të dalë nga dera e cila shembet. Fatmirësisht, Elvana nuk ka pësuar asnjë lëndim dhe ka shpëtuar për fije të perit.
Akoma nuk dihet nëse kjo video është bërë me paramendim, apo ka qenë thjesht një rastësi prej së cilës ka shpëtuar mrekullisht.
View this post on Instagram
Elvana Gjata ka qenë mjaft aktive në muzikë këto kohë dhe së fundmi ajo ka publikuar klipin e këngës “Papa” në bashkëpunim me këngëtaren e famshme Inna, artisten e shumë hiteve si “Amazing”, “Sun is up”, “Deja Vu” e shumë të tjera dhe me muzikantin e njohur me emrin Sickotoy.
Para disa ditësh ajo publikoi duetin e parë me Yll Limanin, ashtu siç ishte paralajmëruar prej kohësh. Në fakt ata i surprizuan të gjithë pasi publikuan jo një, por dy projekte muzikore, që menjëherë janë kthyer në këngët e preferuara për publikun.
“E di” dhe “Marre” titullohen këngët e reja të artistëve, që u vlerësuan jo vetëm për ritmin e bukur, por dhe videoklipet shoqëruese. Elvana dhe Ylli shfaqen të kuruar në detaje në videoklip, por pjesa më e bukur e tyre duket se ka qenë pas kamerave.
