Elvana Gjata është përlotur pas performancës në natën finale të Festivalit të Këngës.
Këngëtarja ia doli me sukses të ngrejë në këmbë spektatorët e Pallatit të Kongreseve, dhe pasi performoi u ndal për të thënë disa fjalë zemre.
E emocionuar dhe e përlotur ajo falenderoi shqiptarët që e kanë mbështetur këngën e saj dhe kanë kërcyer me të, ndërsa tregoi edhe për kë e ka shkruar tekstin.
“Ju i jepni kuptim jetës sime. Dua të them që e kam shkruar këtë këngë, jo se kam bërë ndonjë gjë të madhe, por besoni se e kam shkruar prej shpirtit dedikur të gjithë shqiptarëve. Faleminderit Tirana ime, Kosovë, Maqedoni e gjithë shqiptarët e diasporës”.
