Këngëtarja Elvana Gjata ka hequr dorë nga kaçurrelat dhe floku biond për t’u rikthyer te floku i saj origjinal.
Pak javë më parë bukuroshja lancoi në treg hitin e saj të ri “Njësoj” i cili pati një sukses të jashtëzakonshëm. Në videoklipin e këngës ajo shfaqej me kaçurrelat bionde, të cilat kishin një volum marramendës dhe që duhet theksuar se Elvanës i shkojnë shumë.
Por pak ditë pas publikimit të këngës së re, Elvana postoi disa foto në profilin e saj të “Instagramit” ku na tregon një pamje vajzërore si në kohët kur e kemi njohur për herë të parë. Me flokët e drejtë dhe të shkurtër, ngjyrë gështenjë, Elvana duket më e fresket dhe rinore.
