Elton John këtë të martë pritet të hedhë në treg veprën e tij me kujtime që mban titullin “Me”.
Ndonëse nuk është publikuar ende, disa media të huaja kanë mundur të sigurojnë një kopje dhe tashmë është bërë publike një pjesë e librit.
Personat që kanë mundur ta lexojnë u ka bërë përshtypje një pjesë e cila lidhet me yllin e muzikës pop, Michael Jackson.
Elton John e ka quajtur atë të sëmurë mendor dhe kohët e fundit bënte veprime të çuditshme.
“E kam njohur Michael- in që në moshën 13 apo 14-vjeçare. Ishte një fëmijë tepër i lezetshëm. Pastaj krejt papritur nisi të izolohej nga bota, njësoj siç ndodhi me Elvis Presley- n. Një Zot e di se çfarë droge po merrte , por sa herë që e takoja në vitet e tij të fundit të jetës, e vetmja gjë që mendoja ishte se ky i gjorë e ka të humbur. Ishte vërtet sëmurë mendërisht. Ishte e vështirë të kaloje kohë me të”, shprehet John.
Gjithashtu, Elton rrëfen se si në një festë në shtëpinë e tij, ku ftoi edhe Michael- in, ky i fundit u largua nga të ftuarit dhe nisi të luante me djalin e shërbëtores së tij.
“Nuk e di pse, por ai nuk e përballonte dot shoqërinë e të rriturve.”
