Këngëtarja Elhaida Dani ka reaguar së fundmi pas finales së “Dancing Ëith the Stars”.
Ish-finalistja, e cila shihej si një nga pretendentet për të fituar, ka bërë një postim në rrjetet sociale ku falenderon publikun që e ka mbështetur.
“Faleminderit me zemër publikut! Faleminderit gjithsecilit që e bëri këtë rrugëtim të paharrueshëm!
Ju e dini kush jeni. Dashuri pafund”– shkruan .
Edhe anëtarja e jurisë së “DWTS”, Dalina Buzi, ka folur së fundmi rreth finalistëve të spektaklit të kërcimit. Në një bashkëbisedim me ndjekësit e saj në rrjetet sociale, producentja u pyet për humbjen e Ehaida Danit dhe Ardit Çunit, të cilët shiheshin si pretendentët kryesorë për fitoren e “DWTS.”
“Elhaida ka fituar gjithçka, perveç 50,000 eurove dhe një fotoje me kupën. Me atë disiplinë e talent që ka ajo, do ta trefishojë fitoren diku tjetër. Elhaida u fut në një garë televizive në 2023, ku media sociale ka rëndësi. Është garë e fortë, garë e re, garë që ndoshta duket e padrejtë, por është një garë ku nëse firmos të bëhesh pjesë, duhet ta marrësh në konsideratë”- shkruan Dalina Buzi për Elhaidën.
Ndërkohë edhe Ardit Çuni, gjithashtu një nga pretendetët kryesorë për të fituar “Dancing With the Stars”, ka reaguar pas finales së spektaklit, ku triumfoi blogerja Sara Hoxha. Në një shkrim të gjatë në Instastory Arditi fillimisht ka falenderuar fansat dhe publikun që e ka mbështetur. Gjithashtu ai ka falenderuar publikisht dy anëtarët e jurisë, Dalina Buzi dhe Armand Peza. Ndërkohë që për dy anëtarët e tjerë, Kledi Kadiu dhe Valbona Selimllari, nuk ka bërë komente konkret.
REAGIMI I ARDIT ÇUNIT:
“Jam i lumtur dhe krenar sepse punova fort, sepse derdha djersë për 4 muaj për të dhënë shpirtin dhe për të treguar që puna mbizotëron mbi gjithçka. Faleminderit nga zemra publikut që çdo javë me komente, me mesazhe ka treguar që më do dhe më mbështet dhe që sinqeriteti në ekran duhet dhe vlerësohet akoma. Dalina faleminderit që me komentet e tua shpeshherë më bëje me krahe e shpeshherë më jepje motivim për të qenë më i mirë! Mandi gjithmonë suportues dhe që në javën e parë pe tek unë pretendin për të fituar çmimin e madh. Për pjesën tjetër zgjedh të hesht… është me mirë kështu! Mendoj që në këtë botë kaq të egër, secili e mban vetë përgjegjësinë e veprimeve, por ka dhe nga ato raste që siç thotë populli që “turpin e hanë me bukë”
