Elhaida Dani ishte një ndër këngëtaret më të pëlqyera të “Këngës Magjike 2017”. Që me publikimin e këngës së saj “E ngrirë”, ajo u përfol si një ndër pretendentet kryesore për të fituar çmimin e parë në “Kënga Magjike”.
Deri në fund të votimit ajo ishte e para në listën e prentendentëve për të marrë kupën e vendit të parë, por vota e këngëtarit Franc Konini e kaloi në vend të dytë. Ai vendosi t’i jepte zero pikë, duke shpallur fituese Anxhela Peristerin.
Elhadia në një status falënderues në “Facebook” ka treguar edhe reagimin e familjes dhe të afërmeve të saj pas vendimit për të marrë pjesë në këtë kompeticion të këngës shqiptare.
“Të ngjitesha në atë skenë për mua ka qenë një përgjegjësi e madhe ! Në fillim stafi dhe të afërmit e mi ishin të gjithë kundër kësaj pjesëmarrjeje në KM. Më thonin që po rrezikoja shumë… Por unë e dija që këtë këngë që një natë me kishte frymëzuar të kompozoja doja ta këndoja në një skenë të madhe Shqiptare ! Dhe nuk mund të jem më e lumtur se sa sot !
Kam marr nga ky festival më shumë se sa çmime. Kam marr dashurinë tuaj dhe sot ndihem akoma më afër jush që më mbështesni prej vitesh ! Faleminderit @arditgjebrea për këtë produksion të një niveli shumë të lartë !
Faleminderit @aldonlipe që personalizove performancën time deri në detaje të akullta ! Faleminderit @darkodimitrov për orkestrimin dhe prodhimin e kësaj kënge! You are the best !! Por mbi të gjitha faleminderit familjes sime që me mbështet në çdo hap #nomatterëhat dhe stafit tim në të cilin besoj prej vitesh ! FALEMINDERITTTTTT”, shkruan Elhaida.
