Sipas stacionit të radios katalanase RAC1, këngëtarja Rosalía do të jetë artistja e dytë që do të shfaqet në pjesën e përparme të fanellave të Barcelonës si pjesë e marrëveshjes së klubit me “Spotify”.
Pasi lojtarët veshën logon “OVO Sound” të Drake në humbjen e tyre 3-1 ndaj Real Madridit në tetor, bluzat e Barcelonës do të mbajnë sërish logon e një artisti në “El Clasico” të ligës së dytë të sezonit më 19 mars. Muzikantja e dytë që do të përfitojë nga publiciteti do të jetë këngëtarja katalane Rosalía.
Nisma drejtohet nga “Spotify”, sponsori i fanellave të Barcelonës, i cili verën e kaluar njoftoi synimin e tyre për të përdorur hapësirën në fanellat e Barçës si më shumë sesa thjesht hapësirë reklamuese për markën e tyre.
Simboli i bufit që u shfaq në fanellat e futbollistëve në tetor ishte logoja e markës diskografike të Drake, “OVO Sound”. Drake u zgjodh pasi sapo ishte bërë artisti i parë që arriti 50 miliardë transmetime në “Spotify”.
Spekulohet se emri i albumit të fundit të Rosalía-s, “Motomami”, do të jetë i printuar në bluzat e Barcelonës kësaj radhe, në formën e stilizuar të fjalës që shihet më poshtë.
Rosalía u rrit në periferi të Barcelonës dhe njihet si një nga këngëtaret spanjolle më të suksesshme dhe me ndikim ndonjëherë. Data e El Clasico-s përkon me një vjetorin e daljes së albumit të saj “Motomami”.
