Një ngjarje e rëndë është regjistruar në Amfilochia të Greqisë.
Një 43-vjeçar ka ekzekutuar ish-bashkëshorten e tij me armë zjarri dhe më pas veten. E gjithë ngjarja ndodhi në sy të vajzës së tyre të mitur.
Sipas mediave greke, dy ditë më parë viktima kishte bërë kallëzim ndaj 43-vjeçarit për dhunë dhe kërcënim në familje, por nuk ishte bërë i mundur arrestimi i tij.
Në datën 12 maj të vitit të kaluar, autori u arrestua pas denoncimit të gruas së tij, e cila ishte të larguar nga banesa pasi ai e dhunonte e fyente dhe kërcënonte.
Në atë kohë ai u shpall i pafajshëm dhe u lirua. Po në atë kohë, edhe 43-vjeçari kishte bërë padi ndaj 36-vjeçares, ku edhe ajo u shpall e pafajshme.
Sipas informacioneve të deritanishme, 43-vjeçari ka shkuar në shtëpinë e gruas në mëngjes herët duke mbajtur në dorë pushkën.
Vajza e tij 13-vjeçare, e ka vënë re këtë gjë dhe ka bërtitur me të madhe.
Qiramarrësi i katit të sipërm të shtëpisë dëgjoi zërat dhe u përpoq ta ndalonte.
Gruaja në atë moment po kthehej në shtëpi me makinën e saj. I tërbuar, ai qëlloi gruan nga xhami. Menjëherë më pas ka shkuar pas makinës dhe ka vrarë veten.
