Ditën e sotme moderatorja e njohur Bora Zemani njoftoi se ka nisur xhirimet për një projekt të ri, i cili do të nisë së shpejti.
Projekti mesa duket do të startojë në fillim të sezonit të ri dhe për të realizuar xhirimet Bora ka nisur punën që në orët e para të mëngjesit.(Lexo këtu)
Moderatorja zgjodhi që projektin e ri ta mbajë surprizë për publikun, pa zbuluar asnjë detaj, megjithatë një burim ka treguar për “Iconstyle” detajet e para të emisionit, i cili bazohet mbi modën.
Burimi tregon se emisioni i ri i Borës do të quhet “ADC” dhe do të transmetohet në “Tring”.
Ai do të vijë në formën e një konkursi ku pjesëmarrës do të jenë 10 njerëz të cilëve do u jepet temë e caktuar për të skicuar veshje. Në fund fituesi do të shpërblehet me një çmim mjaft stimulues, që do i hapë shumë dyer.
Ai do të marrë një atelie me qira dhe për 1 vit e ka të paguar.
Për të realizuar këtë projekt interesant, Bora Zemani do të bashkëpunojë me stilistin e njohur Ardi Asllani.
