Ditën e sotme Jonida Maliqi publikoi një foto ku shfaqej në studiot e “Tring”.
Plot stil si gjithmonë, ajo shkëlqente e veshur me të zeza, megjithatë u vu re se Jonida ishte shumë pranë studios ku realizohet emisioni i ri i Bora Zemanit.
Menjëherë nisën aludimet dhe thuhej se mes vajzave do të ketë një bashkëpunim dhe mesa duket fjalët kanë qenë të vërteta.
Burime të sigurta për “Iconstyle” kanë treguar se Bora dhe Jonida do të bëhen bashkë në emisionon e ri, por janë në pozicione të ndryshme.
Burimi tregon se Jonida do të jetë pjesë e jurisë.
Ajo do të zgjedhë mes konkurentëve veshjen më të bukur.
“ADC” është emisioni që do të nisë së shpejti transmetimin dhe do të vijë në formën e një konkursi. Aty do të marrin pjesë 10 njerëz të cilëve do u jepet temë e caktuar për të skicuar veshje.
Në fund fituesi do të shpërblehet me një çmim mjaft stimulues, që do i hapë shumë dyer.
Ai do të marrë një atelie me qira dhe për 1 vit e ka të paguar.
