Sezoni i ri që do të nisë në shtator pritet të jetë me shumë risi dhe tashmë kanë filluar të bëhen edhe lëvizjet e para të shumë personazheve të njohur nga një ekran tek tjetri.
Tashmë është zyrtare që emisioni “Apartamenti 2XL” është transferuar nga televizioni “Vizion Plus” në ekranin e “Tv Klan”. Mirëpo me sa duket ky transferim duket se ka ndikuar edhe në emisionin e Ermal Mamaqit, “Xing me Ermalin”.
Vetëm pak ditë më parë në mediat online u përfol se emisioni “Apartamenti 2XL” do të quhet “Duplex” dhe do të transmetohet të shtunave në mbrëmje nga ora 20:00 deri në orën 22:00, duke spostuar emisionin “Xing me Ermalin”. Me sa duket ish-kolegët e tij do t’i zënë vendin Ermal Mamaqit.
Ndërsa në media po përflitet se emisioni i Ermal Mamaqit do të transmetohet ditëve të diela në të njëjtin orar me një emision tjetër humori po aq të suksesshëm, burime për “iconstyle.al” kanë zbuluar se emisioni “Xing me Ermalin” do të transmetohet gjithashtu ditëve të shtuna, por në orën 22:00.
Me këtë ndryshim që ka ndodhur në orarin “prime time” duket se kanë filluar edhe problemet për Ermal Mamaqin, i cili me shumë gjasa nuk do ta ketë pritur mirë këtë ndryshim.
*Kujdes! Ndalohet riprodhimi i këtij materiali pa lejen e redaksisë së Iconstyle.al
