Teksa na ndajnë vetëm pak ditë nga dita e madhe e modeles Afërdita Dreshaj, dasma e saj më 29 qershor, modelja shqiptare po kalon disa ditë të mrekullueshme në Vegas.
Bashkë me shoqet e saj më të ngushta, mes të cilave modelet shqiptare Xhesika Berberi dhe Tika Camaj, Afërdita do të festojë festën e beqarisë gjithë javën.
Nusja e ardhshme ka ndarë në Instagram çdo detaj nga përgatitjet dhe festa, duke filluar nga mbledhja e vajzave në një hotelin luksoz, e deri te party në një club në Vegas.
“Iconstyle.al” zbuloi se vajzat po qëndrojnë në hotelin më të njohur me 5 yje në Vegas, Cosmopolitan, një suitë e të cilit kushton minimumi 600 dollarë nata.
Afërdita ka planifikuar të qëndrojë plot 4 ditë në këtë suitë bashkë me 8 shoqet e saj, ndaj dhe shpenzimet e këtyre netëve merren me mend që do të jenë super të larta.
Të veçanta dhe mjaft provokuese kanë qenë detajet që shoqet e Afërditës kanë menduar për t’u argëtuar. Ëmbëlsira, vello, rroba banje, tullumbace e bilbil në formë penisi dhe shumë e shumë detaje të tjera na zunë sytë në videot e publikuara nga Afërdita.
Pas festës në hotel, vajzat dolën për të shijuar natën jashtë në një club me muzikë ritmike dhe kërcime provokuese. Epo kot nuk thonë: “Çfarë ndodh në Vegas, mbetet në Vegas”!
Afërdita Dreshaj dhe sportisti çek Jakub Kindl do të martohen në Las Vegas më 29 qershor dhe pritet të jetë një ndër dasmat më të përfolura të vitit.
Burimi: Iconstyle.al
