Moderatorja Einxhel Shkira ka folur së fundmi lidhur me historinë e saj të dashurisë me Dj Dagz brenda shtëpisë së “Big Brother VIP”. Ajo gjatë fjalës së saj, tha se me Dagz është ndjerë shumë komode teksa bisedonin.
Më tej, Einxhel theksoi se ai është ndryshe nga çdo partner që ka patur në jetë. Së fundmi, moderatorja e njohur thotë se ndoshta gjithë jetën e saj ka kërkuar tipin e gabuar te një mashkull.
“Jam ndjerë shumë komode të flas me Dagzin. Dhe kam dashur që ai të shikojë anën time të keqe, atë që për meshkujt e tjerë ka qenë problem kam dashur që Dagzi të shoh këtë pjesë dhe të shoh nëse do të jetë në rregull me këtë. Çdo pritshmëri që unë kam pasur te meshkujt Dagzi i ka hedhur vetëm me mirësinë dhe mirësjelljen e vet. Asnjë tipar që kam pasur te koka ime që duhet t’i ketë mashkulli që do të kem në krah nuk i ka patur, por Dagzi i ka hedhur poshtë të gjitha ato. Dhe thashë ndoshta unë gjithë jetën kam kërkuar tipin e gabuar, ndoshta kam kërkuar një mashkull që është i fortë njësoj siç kam unë karakterin, por ndoshta ky është problemi sepse një karakter si unë vetëm do të përplasesha me atë”, u shpreh ajo.
Einxhel gjithnjë ka thënë se është një femër e pavarur dhe nuk ka pasur nevojë për një mashkull. Por nga ana tjetër, ajo është ndjerë mirë me Dagz dhe kur ai doli nga shtëpia iu drejtua me fjalët që ajo është një femër e fortë dhe ia del dhe pa të.
Einxhel këtu ka kuptuar që Dagz është mashkulli për të cilën ajo ka patur gjithnjë nevojë.
