Moderatorja Einxhel Shkira është kthyer në shtëpinë e Big Brother pas incidentit që pati. Ajo i ka treguar banorëve eksperiencën e saj.
“Sot kur erdhi që të më kontrollonte, i thashë doktorit, a e pe mbrëmë Big Brotherin? Më tha shkova vonë në shtëpi, nuk arrita që të shihja”, tregon Einxhel. Ajo nuk la pa komentuar zinxhirin e shpëtimeve duke thënë: “Iu thashë u desh që të thyeja krahun, që të më binte mua radha që të nisja zinxhirin.”
Ndërsa për gjendjen e saj shëndetësore u shpreh se ka patur vështirësi për të fjetur.
“Në 7 të mëngjesit kam fjetur, nuk më zinte gjumi për qamet, kisha mbetur kështu si… Do ta mbaj 10 ditë allçinë, fizoterapinë, koha e rikuperimit është goxha.Ishte krahu komplet i shkalafitur, më kanë vendosur vidë, unë tentoja që ti shpjegoja mjekut të parë rënies, kam rënë me dorë i thoja”, tregon më tej Einxhel.
Kujtojme se banoret fillimisht nuk e kuptuan rëndësinë e situatës dhe prandaj reagimi i tyre erdhi me vonesë.
’Ne nuk e besuam në fillim, para se të hidhej ajo bëri humor se do të thyente një kockë. Ka qenë gjithmonë shumë e kujdesshme nëpër lojra’’,– tha Arjola.
‘’Të na falni për të qeshurat por në fillim nuk e kuptuam. Por ajo është një vajzë e fortë dhe do ta kalojë me sukses’’,- shtoi Monika.
Nga ana tjetër edhe Iliri tregoi se loja që provoi Einxhel kërkon një përgatitje të madhe fizike.
