Disa muaj më parë mediat u pushtuan nga lajmet për dashurinë e pamundur të Fifit, e cila në një postim në Instastory shprehej se donte vetëm vëmendjen e një personi, madje thoshte se mund të bëhej çdo gjë edhe palaço vetëm që të ishte me njeriun e saj të zemrës.
Më tej në një postim tjetër, këngëtarja shprehej se nuk ishte dashuruar me njeriun e gabuar, por në kohën e gabuar.
Në muajin qershor teksa ishte e ftuar në “ Në kurthin e Piter Pan”, ku u pyet nëse e ka kaluar karantinën me personin e zemrës, autorja e hitit ‘Zhurmë’ tha se e ka kaluar izolimin me shoqen e ngushtë sepse i dashuri i zemrës ndodhet larg saj.
“Fifi ka kaluar një distancim social në dashuri këto kohë”,- shtoi Alketa.
Megjithatë, shpesh Fifi na ngatërron paksa me deklaratat e saj, herë duke thënë se është single dhe herë duke bërë deklarata si kjo e sotme.
Në një bashkëbisedim me ndjekësit në Instagram, ajo është pyetur nëse është në lidhje, duke u përgjigjur se as vetë nuk e di këtë gjë.
Pra, për ta dëshifruar, punët e tyre qenkan pak të ndërlikuara dhe gri. (nisur nga përgjigja e saj).
Fansi: A do na sqarosh një herë e mirë a je në lidhje.
Fifi: Pasha Zotin as vetë s’e di.
Ehh, këto punët e zemrës…
