Aktorja e famshme, Sharon Stone po shijon prej disa muajsh lidhjen e dashurisë me një reper 25-vjeçar.
Së fundmi, “Page Six” ka bërë të ditur se Stone dhe reperi ‘RMR’ po kalojnë kohë së bashku dhe po argëtohen me njëri-tjetrin. Në fotot e publikuara në “Instagram”, shihet teksa reperi mban krahun rreth qafës së aktores.
Edhe pse dyshja kanë disa vite diferencë, një burim tha se RMR ka respekt për aktoren dhe mendon se ajo është mjaft tërheqëse.
“Ata po shijojnë shoqërinë e njëri-tjetrit tani dhe po dalin së bashku. Po kalojnë shumë mirë nën shoqërinë e njëri-tjetrit. Janë në të njëjtën frekuencë dhe është një miqësi shumë unike”, tha ndër të tjera burimi.
Kujtojmë se katër vite pas divorcit me gazetarin Phil Bronstein, Sharon Stone humbi kujdestarinë e të birit, Roan.
Aktorja rrëfeu se kjo gjë e shkatërroi dhe i kalonte ditët duke qarë në një libër ku reflekton për karrierën dhe betejat e saj personale.
Të papublikuara në atë kohë, dokumentat e gjykatës zbuluan se Stone dëshironte t’i bënte djalit botox në këmbë, pasi sipas saj ato mbanin vazhdimisht aromë të pakëndëshme
“Pasi humba kujdestarinë e Roan, unë nuk isha më unë. Shtrihesha në divan, isha shumë e lodhur dhe vetëm qaja”, tha ajo.
Roan sot është 21 vjeç dhe është në hapat e parë në botën e aktrimit.
