Që në momentin kur e mori për herë të parë të birin në krahë, aktorja Almeda Abazi u shpreh se ai ishte një kopje e vogël e bashkëshortit të saj, Tolgahan Sayisman.
Vogëlushi Efehan erdhi në jetë në muajin maj të këtij viti dhe tani është plot 2 muajsh. Në profilin e Almedës në Instagram nuk kanë munguar poza të të voglit, i cili është kthyer në një ndër fëmijët më të komentuar të showbizit.
Pak më parë, Almeda ndau me ndjekësit një foto shumë të ëmbël të Efehanit, i cili mund të themi me bindje se është identik i Tolgës.
I vogli ka të njëjtën buzëqeshje si i ati dhe me siguri do t’ju bëjë të gjithëve për vete me shikimin plot ëmbëlsi.
Kujtojmë se që prej lindjes së djalit, Almeda është tërhequr nga çdo projekt dhe tashmë po i kushton të gjithë kohën e saj mëmësisë.
