Vesa Vllasaliu dhe Kader Kicaj ishin dy ish-banoret e përzgjedhura nga ‘Vëllai i Madh’ për t’u bërë pjesë e shtëpisë së ‘Big Brother Vip’ për vetëm 24 orë. Finalistët nuk ishin në dijeni të surprizës që i bënë vajzat.
Brenda ditës ato janë pyetur rreth ish-konkurrentëve, nëse janë parë e takuar me ta. Një pyetje iu bë bukuroshes nga Gjilani nga Edona James, ku i tha nëse është në lidhje me Azem Gagicën.
“Jo, kuku”, u përgjigj ajo në një reagim të menjëhershëm.
Vesa më pas tha se nuk ka të drejtë të flasë për persona jashtë dhe të zbulojë më shumë detaje. Mes tjerash gjatë bisedës theksoi se ka qëndruar brenda vetëm pesë javë.
