Vetëm pak kohë më parë qarkulloi në mediat shqiptare deklarata e bujshme e artistes shqiptare, Ornela Vorpsi, e cila shprehu publikisht për herë të parë dashurinë e saj platonike për kryeministrin Edi Rama.
“Edin e kam dashur jashtë mase në mënyrë platonike. Unë isha dakort, por ai nuk donte”, u shpreh Vorpsi gjatë një interviste në emisionin “Top Show”.
Jo vetëm kaq, por ajo tha se Rama magjepste gjithë Parisin.
“Duhet ta dini, që kur ishte në Paris, magjepsi gjithë Parisin. Sepse ai ka elokuencë dhe kulturë të gjithanshme”, u shpreh Vorpsi.
Ndërkohë që Ornela e bëri publike dashurinë e saj platonike, nga ana tjetër kishte munguar një reagim nga kryeministri Rama. Mirëpo mbrëmjen e djeshme i ftuar në “Top Show”, Rama është pyetur nga Alban Dudushi rreth kësaj deklarate.
“Dudush jam dakord me ty, Parisi është shumë i madh që të magjepset nga unë”, ishte përgjigja prerë e Ramës.
