Kryeministri jonë, që nuk e sheh aspak të arsyeshme të reagojë kundër Serbisë edhe në këtë rast, ka reaguar “pas pilafit” për rrëmbimin e tre policëve brenda territorit të Republikës së Kosovës, nga serbët.
Ai është shprehur në Twitter se situata nuk mund të krahasohet me arrestimin e Millenkoviç, person me precedent penal. Gjithashtu Rama shtoi se efektivët e Kosovës duhet të kthehen sa më parë në shtëpi, pasi vetë i ktheu shpinën Kosovës.
“1. Mesa duket KFOR-i nuk do të dalë me konkluzione publike për vendndodhjen e tre policëve të Kosovës.
2. Pavarësisht pretendimeve të ndryshme për vendndodhjen, ata duhet të kthehen sa më parë në shtëpi!
3. Qysh dje ne jemi 100% të fokusuar tek lirimi i tyre!
4. Nuk ka asnjë paralele mes tre policëve dhe personit me precedentë kriminalë të arrestuar nga policia e Kosovës në Veri!
5. De-eskalimi mbetet prioriteti i prioriteteve dhe pikat e vendosura nga bashkësia euro-atlantike duhen përmbushur një orë e më parë.”
Rikujtojmë se Rama është distancuar nga veprimet e Kurtit, ku nuk kanë munguar as kritikat publike, teksa së fundmi anuloi në mënyrë të njëanshme një mbledhje të rëndësishme për Shqipërinë dhe Kosovën që do të zhvillohej në Gjakovë.
Më herët kryeministri Kurti ka deklaruar se në këtë situatë me Serbinë ka nevojë që Shqipërinë ta ketë mbështetëse dhe jo ndërmjetësuese pasi të tillë ka mjaftueshëm.
