Vendi ynë ka marrë masa të rrepta për të parandaluar përhapjen e koronavirusit dhe duket se kjo ka pasur rezultat.
Kryeministri Edi Rama ka publikuar në Facebook një grafik ku tregon për situatën e COVID-19 dhe shihet se kurba ka një rritje të lehtë.
“KURBA E RRITJES SË PRESIONIT TË ARMIKUT E MATUR PËR ÇDO VEND PAS 20 RASTEVE TË PARA, ku mund të shihni rezultatin e masave shtrënguese dhe rezistencës fantastike të 99% të shqiptarëve deri tani. tani si do vazhdojmë, me ngjitje të butë që të shpëtojmë Shqipërinë nga katastrofa, duke bërë Rezistencë për Ekzistencë apo do lëshohemi në krahët e frikës se “do vdesim për bukë”, që pastaj kjo shigjeta e kuqe të iki lart si raketë dhe ne të biem në këmbët e armikut duke numëruar qindra e mijëra të vdekur(?)!”,shkruan Rama.
Në vendin tonë në 24 orët e fundit janë regjistruar 11 persona me koronavirus dhe numri total ka shkuar në 197.
Për fat të keq në vendin tonë kanë ndërruar jetë 10 persona për shkak të virusit vdekjeprurës.
