Ditën e sotme, kryeministri Edi Rama njoftoi se platforma TikTok do të mbyllet për një vit në vendin tonë. Pas këtij njoftimi ka ardhur një reagim zyrtar nga kompania!
Sipas AFP, TikTok në një përgjigje me email të shtunën ndaj një kërkese për koment kërkoi “qartësi urgjente nga qeveria shqiptare” për rastin e 14-vjeçarit të vrarë nga bashkëmoshatari i tij.
Kompania theksoi se nuk kishte gjetur asnjë provë që autori ose viktima të kishin llogari në TikTok dhe shtoi se raportet e shumta kishin konfirmuar se videot që mund të kishin kontribuar në incident ishin postuar në një platformë tjetër, jo në TikTok.
