Ashtu siç theksuam në një postim të mëparshëm në “iconstyle.al”, Koronavirusi nuk kursen askënd!
Jemi në kushte të tilla që edhe krerët e shteteve po rrezikojnë dhe ka dyshime se mund të jetë prekur vetë kreu i Shtëpisë së Bardhë, Donald Trump, pasi një tjetër zyrtar i lartë brazilian, Fabio Wajngarten (që ka rezultuar pozitiv) darkoi me të.
Presidenti Ilir Meta është shprehur më herët se ka bërë një test të dyfishtë për virusin në një dalje publike pas dhurimit të gjakut për talasemikët.
Por kryeministri shqiptar Edi Rama, tha se nuk do ta bëjë testin për Koronavirusin pasi nuk ka asnjë shenjë. Ai theksoi në një dalje publike se testet nuk mund të bëhen për qejf, por vetëm nëse ke simptoma.
“Teste për qejf nuk bëhen, nëse ke shqetësim po. Është një grip i pazakonshëm, pasi nuk i njohim vaksinën, por shpërndahet si çdo grip tjetër. Unë nuk kam nevojë të shkoj të bëj testin, pse do ta bëj kur nuk ndjej asgjë! Por probabiliteti që unë të bëhem transportues rritet nëse jam i pakujdesshëm, nëse nuk ruaj të tjerët”.
Rama më pas tregoi se kush duhet dhe kush nuk duhet të përdorë maskën.
“Nuk ka nevojë për maskë për personat që nuk kanë kontakte të afërta në një mjedis të mbyllur, që të ruajnë distancën. Nëse ti ecën në rrugë dhe nuk je me gjithë familjen i përqafuar, por ruan distancën dhe nuk shkon të përqafosh njerëz dhe nuk rrezikohesh nga tështimat nuk ka nevojë për maskë. Por policia në rrugë do të vendosë maskën se afrohet te xhami dhe kërkon dokumentin. Hapni dritaret sa më shumë, lani duart. Maskat i duhen personelit shëndetësor, atyre që kanë kontakte të afërta dhe të vazhdueshme dhe për këtë arsye mbyllen lokalet”, tha Rama.
Sot u përfol se bashkëshorti i një deputeteje të PS-së është karantinuar. Ai ka qenë pjesë e ekipit mjekësor që është karantinuar pasi ka pasur kontakt me të moshuarën që ndërroi jetë nga Koronavirusi në Durrës. Deputetja ka vijuar me mbledhjet e komisioneve dhe frika është se mund të ketë kontaktuar dhe persona të tjerë të kabinetit.
https://www.instagram.com/p/B9pGY8ng32_/
/Iconstyle.al
