Eduart Manushi ka dhënë lajmin se nuk do të jetë më në drejtimin e “Procesit Sportiv” me rinisjen e sezonit.
Në edicionin e fundit të emisionit sportiv “Top Arena”, Manushi tha se tashmë “është momenti t’ia lërë stafetën brezit të ri”.
Por “Dritare.net” raporton se Manushi, i cili është njeri prej prezantuesve më të mirë sportivë, nuk do lërë “Top Channel”, por do të lerë vetëm emisionin.
Madje ai do të marrë me vete edhe bashkëprezantuesen, Fjoralba Ponari, dhe të dy do të prezantojnë bashkë të dielën në “Top Channel”.
Manushi ka bërë dhe një dedikim të veçantë për Marina Vjollcën, Gëzim Sinematin, Redi Jupin dhe Glenti Nallbanin, por nuk lë pa harruar edhe gruan qe sipas tij thotë që lë kokën.
“Shumë e mirë dhe gjej rastin të falënderoj tre njerëz: Marinën, Gëzim Sinematin dhe Redi Jupin. Një falënderim shumë i veçantë vjen për një personazh tjetër që në këto 10 vite në flet në vesh (kufje) dhe na orienton: Glenti Nallbani. Këta persona i kam shumë xhan. Për familjen dhe gruan për të cilën lë kokën”, tha ai.
