Rihanna ka qenë vazhdimisht në shënjestër muajt e fundit për shkak të vonesave të përsëritura, gjatë koncerteve të saj në turneun botëror “Anti”.
Kështu që nuk është aspak surprizë të shikosh se Rihanna është sërish vonë për performancën e saj në V Festival në Essex, Angli, mbrëmjen e së dielës.
Fansat e zemëruar pritën në shi për rreth 30 minuta për yllin e muzikës pop 28 vjeçe, që të bënte paraqitjen e saj. Pas paraqitjes së saj në Hylands Park, këngëtarja u fishkëllye nga turma.
Gjatë performancës së saj, bukuroshja nga Barbadosi u akuzua se po këndonte në “playback”, ndërsa Justin Bieber u akuzua për të njëjtën gjë pak ditë më parë.
Paraqitja zhgënyese e Rihanna-s erdhi pasi Justin e mërziti turmën në Essex të shtunën pasi u shfaq duke kënduar “playback”. Ai pranoi se ishte i dehur, gjë që mund të ketë ndikuar në cilësinë e performancës së tij, ndërsa i referohej të pranishmëve si “Londër”, pavarësisht se ndodhej në Essex, 40 milje larg kryeqytetit.
Rihanna u shfaq e veshur me një stil “dark” me koleksionin e saj të fundit të realizuar për “Puma”-n.
*Shfleto galerinë
Burimi: Daily Mail
