Të gjithë kemi përfunduar në këtë situatë. Ne vërejmë saktësisht momentin kur teksti ynë i fundit shënohet “lexuar” dhe më pas çdo moment për 6 orët e ardhshme (ose më shumë) që mbeten pa përgjigje.
Është një veprim jo konfrontues dhe i paqartë, duke bërë marrësin e mesazhit të stërmendojë se çfarë mund të ketë ndodhur që dërguesi bëri këtë veprim.
Nuk po them që duhet të ktheni mesazhe çdo 5 minuta, megjithatë kur dilni me dikë për ta njohur, të ktheni përgjigje brenda një periudhe prej një ose dy orësh pasi të keni lexuar tekstin e tyre duket e drejtë.
Nëse jeni të njohur me ndjenjën që të kaplon pasi dikush e lë mesazhin tuaj ‘seen’, ju e dini se sa shumë dhemb.
Çfarë mund të nënkuptojë ky veprim?
Shumica prej nesh do të mendonin të gjitha arsyet e mundshme pse personi tjetër nuk ka kthyer përgjigje, duke lejuar mendjet tona të turbullojnë nga stresi dhe konfuzioni. Por nga përvoja e shumë njerëzve, ky veprim mund të nënkuptojë tre gjëra:
Arsyeja 1: Ata janë vërtet të zënë me punë
Disa njerëz janë vërtet shumë të zënë dhe mezi shikojnë telefonat e tyre gjatë ditës së punës për arsye profesionale. Ata mund të presin të përgjigjen pas punës kur të jenë në gjendje t’i kushtojnë më shumë vëmendje komunikimit me ju.
Kini parasysh herët e tjera kur ata zakonisht shkruajnë më shumë. Nëse ata angazhohen në bisedë dhe përgjigjen shpejt pas orarit të punës, ata ndoshta thjesht i japin përparësi kohës së tyre sipas orarit të punës dhe angazhimeve të tjera.
Arsyeja 2: Ata nuk kanë të njëjtin ‘pasion’ ndaj jush
Nëse ju pëlqen vërtet dikush dhe ai ju dërgon mesazhe, a shikoni me të vërtetë telefonin tuaj dhe thoni “eh, do t’i përgjigjem më vonë”. Jo! Kur ju pëlqen vërtet dikush, ju buzëqeshni vesh më vesh dhe mezi prisni të përgjigjeni. Jeni të emocionuar të flisni me ta!
Ky është një komponent kyç për t’u mbajtur mend kur dikush jua lë mesazhet ‘seen’. Ne krijojmë justifikime pafund pse tjetri nuk është përgjigjur për 5 orë, por ndonjëherë thjesht duhet të pyesim veten nëse përpjekja dhe interesi janë të barabarta.
Nëse atyre u duhen orë ose ditë për t’u kthyer tek ju, kjo tregon shumë për nivelin e tyre të interesimit.
Arsyeja 3: Ata po nënkuptojnë se nuk janë të interesuar
Së fundi, një tekst i lënë në ‘seen’ mund të jetë thjesht një formë pasive agresive e refuzimit. Po, është një mënyrë pak dembele dhe disi mizore nëse tashmë keni krijuar interes të ndërsjellë apo edhe përkushtim, por lënia e një mesazhi “në lexim” është metoda jokonfrontuese e “të zhgënjyerit lehtë dikë” dhe pa mabjtur përgjegjësi.
Çfarë duhet të bëni?
Edhe pse është një mjet komunikimi artificial, dërgimi i mesazheve me dikë që ju pëlqen kërkon një element vulnerabiliteti. Me çdo tekst, ju jeni duke shprehur interesin tuaj të vazhdueshëm, duke shpresuar se ata do të përgjigjen.
Nëse ata nuk reagojnë, mos harroni të mos panikoseni. Mos e u tregoni shumë të ashër me vetën që more përsipër një ‘rrezik’ duke e lejuar veten për të qenë vulnerabël. Ndjeshmëria është thelbësore për çdo marrëdhënie të shëndetshme në të ardhmen, ndaj mos mbyllni veten për të shmangur dhimbjen ose ndjenja të tjera që mund t’ju shfaqen në atë moment.
Dijeni se mungesa e një përgjigjeje të tyre nuk është një reflektim i dashurisë suaj. Vlera juaj nuk ndryshon bazuar në interesin romantik të dikujt tjetër ndaj jush.
Shpesh, kur dikush fillon të distancohet nga ne, ne fillojmë të kompensojmë shumë ose fillojmë të ‘luajmë lojëra’ për të ruajtur dashurinë e tyre. Ne fillojmë të injorojmë standardet tona për t’u përpjekur të fitojmë dashurinë e tyre kur ata nuk e meritojnë kohën ose emocionin tonë.
Nëse përgjigjet e tyre janë të shkurtra dhe nuk bëjnë përpjekje për të vazhduar komunikimin, përgjigjuni në përputhje me rrethanat. Mos shkoni 90% kur ata po shkojnë vetëm 10%.
Në fund të fundit, nëse jeni duke pyetur veten nëse ky person ju pëlqen apo jo dhe ata po ju bëjnë vërtet konfuze, ai ndoshta ose nuk ju pëlqen ose nuk ju pëlqen mjaftueshëm.
