Para një muaji Diellza Kolgeci u bë nënë për herë të parë dhe bukuroshja nuk ka ngurruar që të bëjë publike foto të foshnjës që ka vendosur ta pagëzojë me emrin Helena.
Mirëpo në asnjërën prej tyre nuk kemi arritur që të shohim portretin e plotë të vogëlushes, ndërkohë ditën e sotme partneri i Diellzës, Fisnik Rugova, ka postuar një foto në Insta Story të Helenës e cila na mahniti me ngjashmërinë që ka me të ëmën.
Edhe pse është vetëm një muajshe, ajo ka pothuajse të njëjtat tipare si Diellza dhe tashmë mund ta imagjinojmë se si do bëhet ajo kur të rritet…një sozi e nënës së saj e cila për hir të së vërtetës është mjaft simpatike dhe mund të themi se Helena do trashëgojë gene të adhurueshme!
