Edhe pse “Big Brother VIP” ka përfunduar, sërish ish-banorët janë në qendër të vëmendjes. Shumë prej tyre kanë publikuar projekte të reja, të cilat kanë rezultuar mjaft të suksesshme.
Mirëpo së fundmi ka qenë Sabiani ai që ka qenë pjesë e një bashkëpunimi me Adelina Berishën. Kënga është pëlqyer shumë dhe mjaft personazhe të njohur, e kanë shpërndarë këngën e ish-banorit të BBV në story.
Një ndër personazhet ka qenë edhe aktori Donald Veshaj. Ai ka postuar këngën në story dhe ka shkruar: “E ka bërë për mua këtë”, duke e shoqëruar me një ‘emoji’ që qesh me lot.
Mesa duket Donaldi nuk harron të ironizojë e thumbojë herë pas here Ilirin. Madje, ai ka “shfrytëzuar” këngën e Sabianit për të lëshuar një thumb drejt Ilirit.
Kujtojmë që marrëdhënia e miqësisë mes Ilirit dhe Sabianit është krisur.
Iliri, tha më herët në një intervistë, se me Sabianin nuk ka asgjë si dhe e kanë lënë për t’u takuar shumë shpejt
“Për Sabin nuk kam asgjë. I kam sqaruar të gjitha gjërat me Sabin. Nuk jemi takuar, por e kemi lënë që do shihemi për një kafe. Kemi një lloj ngadalësie në komunikim. Është thjesht kjo! Tani unë kam punët e mia, Sabi ka punët e veta dhe ndoshta kjo ngadalësi krijohet prej punës,” – përfundoi balerini.
