Gigi Hadid u sigurua që të ishte në top formë pasi doli për një shëtitje me vajzën e saj emrin e të cilës ende nuk e ka zbuluar.
Supermodelja u fotografua nga paparacët teksa shijonte rrezet e diellit me të bijën e sigurisht ishte maskuar me kapele e maskë, por si mund të mos dallohet një yll si ajo.
Ato janë fotografuar edhe në shoqërinë e mikeshës së Gigi, teksa shijonin Fast-Food në një nga rrugët e New York-ut. Si duket Gigi vijon t’i plotësojë vetes kënaqësinë e të ushqyerit pa dieta edhe tani që është bërë mami, por nga ana tjetër duket në formën e saj më të mirë fizike.
Ajo zgjodhi të vinte një kapele prej $ 1,100 Louis Vuitton, teksa mbante veshur një pallto dhe një palë çizme me takë të ulët.
Vetë modelja ndau disa foto në Instastory, një selfie dhe një foto të çizmeve të saj.
Disa javë më parë u raportua se Taylor Swift mund të ketë zbuluar emrin e të voglës, e cila sipas teorisë quhet ‘Dorothea’.
Mirëpo kjo teori është hedhur poshtë! TMZ ka mësuar se vajza e Gigi-t dhe Zayn nuk quhet Dorothea. Ndërkohë emri i saj nuk është mësuar ende dhe mesa duket çifti do të vazhojë ta mbajë edhe pak kohë të fshehtë.
Zayn nuk ka ndarë asnjë foto tjetër me të voglën përveç fotos së parë pas ardhjes së saj në jetë, kur publikoi një foto të dorës së tij dhe vajzës.
Ndërkohë, s’mund të themi të njëjtën gjë për Gigi, e cila na ëmbëlson hera-herës duke publikuar foto me shoqen e saj më të re dhe më të mirë.
Deri tani ende nuk na ka treguar portretin e saj (dhe nuk dihet nëse do e zbulojë ndonjëherë), por s’mund ta mohojmë se këto foto janë një dashuri.
