Edhe me një fëmijë të porsalindur, Rihanna gjeti kohë për të ndihmuar organizatat bamirëse. Superylli iu drejtua Fondacionit “Always For The People” dhe bëri një porosi të madhe, për t’u dhuruar veteranëve me aftësi të kufizuara dhe të pastrehëve në Los Angeles.
Këngëtarja telefonoi themeluesin e organizatës, Seant Devermond, i cili më pas “shpërndau qindra komplete higjienike, çorape, rroba, çanta gjumi, ushqime, mbi 50 palë këpucë, letër higjienike, ushqim për qentë“- tha një burim për “Page Six”.
Kjo nuk është hera e parë që ylli i popit tregon mbështetjen e saj për veteranët.
Rihanna donates to homeless vets in West Los Angeles https://t.co/fHRZ7lDSx9 pic.twitter.com/tuYNLRRELn
— Page Six (@PageSix) August 31, 2023
Ajo i bëri një vizitë në vitin 2022, kur ishte shtatzënë me djalin e saj të parë, RZA, dhe ” kaloi orë të tëra duke dëgjuar shqetësimet dhe problemet e tyre”, pa një ekip kamerash.
Këngëtarja 34-vjeçare kaloi orë të tëra duke bërë foto dhe duke shkarkuar sende nga furgoni edhe gjatë shtatzënisë.
Ajo la gjurmë te njerëzit në kampin e të pastrehëve jashtë Qendrës Mjekësore VA e njohur më parë si “Rreshti i Veteranëve”.
“Kam takuar Rihanna-n! Këngëtarja më e madhe në tokë. Ajo ka dhuruar rroba, ushqime dhe kujdeset për veteranët”, tha një veterane e emocionuar për vizitën e saj.
Këtë herë, Rihanna nuk mundi të shfaqej personalisht, pasi po kujdeset për fëmijët e saj.
