Mevlan Shaba është rikthyer në qendër të vëmendjes pas pjesëmarrjes në “Kepin e Vip-ave”. Së fundmi i ftuar në emisionin “Pardon My French” ai ka zbuluar më shumë në lidhje me këtë format.
Si të erdhi ftesa për të qenë pjesë e formatit Kepi i Vip-ave? Si po shkon kjo eksperiencë?
“Në fakt nuk e prisja, e kisha dëgjuar që do të bëhej ndryshe nga vjet që ishte “Kepi i Tundimeve” këtë vit ishte i VIP-ave edhe sigurisht Olsa që më thërret në telefon. Kemi bërë një takim kemi folur pak për këtë projekt, mu duk interesant dhe thashë pse mos ta provoj?”
Ai shpeshherë ka shprehur dëshirën për të qenë pjesë edhe e formatit “BBV”. I pyetur në lidhje me këtë Mevlani tha: Aty është një thikë me dy presa sepse nuk i dihet gjithmonë ne mendojmë që jemi aq të aftë, ne mund të bëjmë namin pastaj këto janë formate që ti nuk e di kurrë se si shkojnë kështu që qejfi edhe na e ka edhe jo.
Çfarë vështirësie mendon se mund të kesh në BBV?
“Duke qenë se janë 20-30 personazhe të ndryshëm, do të përballesh me këdo. Mua nuk më shqetëson ky fakt. Di t’i përballoj njerëzit si në rastet e debateve, sjelljeve. Kjo është pak e vështirë sepse nuk jam mësuar të rri i mbyllur. Jam gjatë gjithë kohës jashtë.”
