Moderatorja Elita Rudi ka reaguar së fundmi lidhur me tragjedinë e Himarës, ku një 7 – vjeçare humbi jetën pasi u godit për vdekje me skaf.
Elita ka treguar se ngjarja e rëndë ia ka copëtuar zemrën dhe mbrëmë nuk ka fjetur aspak.
“Zemra mu bë copë, dhe mbrëmë nuk arrija ta gjeja qetësinë për të fjetur në gjumë nga gjendja emocionale që më shkaktoi kjo tragjedi”, shkruan ajo.
Më tej, Elita ka publikuar një tjetër postim ku shkruan se fajin e ka shteti ku jetojmë.
“Unë marr pjesë thellë në hidhërimin tënd si një nënë. Me dashuri dhe trishtim ne gjithmonë fajësojmë veten edhe nëse fëmija ynë pëson një rrëzim të lehtë. E qortojmë veten nga brenda, pse nuk vrapova më shpejt? Pse nuk qëndrova afër saj? Por nuk faj ti moj nënë, ka faj shteti ku jetojmë, preferojmë të pimë kafe gjithë ditën e jo t’i përkushtohen punës ku kanë zënë ulëset në zyrat e tyre. Kanë faj njerëzit që sot janë të pashpirt, nuk kanë ndjenja më për asgjë. Kemi edhe ne frikë që fëmijët tanë t’i lejojmë më as në lagje të luajnë sepse vozitin si të çmendur me makina me shpejtësi të tmerrshme, sepse duan ta përmbushin veten me adrenalinë”, vijon moderatorja.
“Si pasoj e kësaj fëmijët sot rrinë të izoluar gjithë ditën, nuk janë të sigurt as në shkollë, as në lagje, as në plazh, as në park e askund. Më vjen për të vjellë. Ne po shijojmë por fëmijët tanë nuk po e shijojnë jetën. Pusho e qetë dritë e bardhë, nuk ke faj ti”, përfundon statusin e saj Elita Rudi.
