Në rubrikën e të famshmeve shqiptare të veshura më me stil “iconstyle.al” çdo javë ju jep mundësinë lexuesve të faqes që të zgjedhin të preferuarën e tyre.
Këtë javë përzgjodhëm 5 vajza të famshme, me famë kombëtare e ndërkombëtare, të cilat me zgjedhjet e tyre plot shije janë shndërruar në imazhe referimi përsa i përket stilit të veshjes.
Lexuesit e “iconstyle.al” votuan të preferuarën e tyre mes: Klea Hutës, Bebe Rexhës, Luana Vjollcës, Aurela Hoxhës dhe Rita Orës.
E veshura më me stil që ju zgjodhët këtë javë është Luana Vjollca e cila kryeson listën dhe pasohet në vend të dytë nga Bebe Rexha. Ndërsa më pak e votuara mes tyre është Aurela Hoxha.
Luana Vjollca shfaqet e veshur me një kostum nude, me një fund të gjatë dhe një “crop top” në pjesën e sipërme. Ndërsa për të thyer kontrastin ajo mban në dorë edhe një çantë të kuqe shumë të bukur.
