Kombinimi i rrjetës me kapelen me strehë (bejsbolli) ndoshta iu duk i çudtishëm kur ia patë Aurela Hoxhës në eventin e 20-vjetorit të emisionit “Opinion”.
Por ndërsa të gjithë menduan se ishte një risi që e solli ajo, “Iconstyle.al” nga kërkimi në internet zbuloi të kundërtën.
Aurela u shfaq e veshur me një kostum të zi me vija dhe me detajet e luleve të kuqe të qëndisura në të, të veshur me një bust të shkurtër të zi poshtë. Por ajo që tërhoqi vëmendjen e të gjithëve ishte aksesori i kapelës së vendosur mbrapsht dhe i rrjetës nën të.
Ky kombinim mund t’ju jetë dukur i parë dhe keni absolutisht të drejtë! E para dhe e vetmja që e solli këtë trend 3 vite më parë ishte Rihanna.
Këngëtarja me famë botërore u shfaq e veshur me një kostum të zi dhe me aksesorin e kapelës dhe rrjetës në mars të vitit 2014-të, në Francë. Rihanna kishte zgjedhur këtë veshje për të marrë pjesë në shfaqjen e “Givenchy” vjeshtë/dimër, gjatë Javës së Modës në Paris.
Gjithsesi nuk ka asgjë të frymëzohesh nga të famshmet e huaja, por gjithmonë origjinalja është më e bukur.
Burimi: Iconstyle.al
