Platforma Threads nga Facebook Meta po “debuton” në më shumë se 100 vende, duke u konsideruar të jetë rivali i Twitter-it të Elon Musk. Tashmë më shumë se 10 milionë regjistrime janë bërë në orët e para, por nisja e Threads në Evropë është vonuar për shkak të shqetësimeve për privatësinë e të dhënave.
Disa të famshëm kanë krijuar një llogari në platformë, si Jennifer Lopez, Shakira dhe Hugh Jackman, si dhe media si Washington Post, Reuters dhe Economist. Ashtu si Twitter, aplikacioni përmban postime të shkurtra me tekst që përdoruesit mund t’i pëlqejnë, t’i ripostojnë dhe t’u përgjigjen. Postimet mund të jenë deri në 500 karaktere të gjata dhe përfshijnë lidhje, foto dhe video të gjata deri në pesë minuta.
“Le ta bejme kete. Mirë se vini në Threads”, shkroi CEO i Meta dhe themeluesi i Facebook, Mark Zuckerberg në postimin e tij të parë në platformën e re, e cila tani për tani do të jetë pa reklama.
“Do të marrë pak kohë, por mendoj se duhet të ketë një aplikacion publik chat me 1 miliardë plus njerëz në të. Twitter ka pasur një shans për ta bërë këtë, por nuk e ka. Shpresojmë se do t’ia dalim ”, tha Zuckerberg.
Pak më vonë ai shkroi: “Sapo kalova 5 milionë regjistrime në katër orët e para…” .
Ndërsa Threads filloi si një aplikacion i pavarur, përdoruesit mund të identifikohen duke përdorur kredencialet e tyre në Instagram dhe të ndjekin të njëjtat llogari.
“Është kaq e thjeshtë: nëse një përdorues i Instagramit me një numër të madh ndjekësish, si një Kardashian, një Bieber ose një Messi, fillon të postojë rregullisht në Threads, një platformë e re mund të lulëzojë shpejt,” tha analisti financiar strategjik Brian Wieser në Substack.
Analistja Jasmine Engberg nga Insider Intelligence tha se Threads ka nevojë vetëm për një në katër përdorues mujor të Instagramit “për t’u bërë aq i madh sa Twitter”.
