Shqipëria mbrëmjen e djeshme ka korrur një fitore të madhe kundër Polonisë me rezultat 2-0 në kualifikimet për Euro 2024.
Kuqezinjtë fituan fal golave të Jasir Asanit dhe Mirlind Dakut.
I sapofutur në fushën e lojës, Mirlind Daku shënoi golin e dytë për Shqipërinë, ndaj Polonisë në minutën e 60’ të lojës.
Daku festoi golin duke hequr bluzen dhe vëmendjen e mori tatuazhi i tij.
Mirlind Daku ka gdhendur në trup fjalën ‘Katana 138’, nofka e komandantit legjendar të UÇK-së Agim Ramadani si dhe piramidën e rrëzuar të kufirit shqiptaro-shqiptar.
Beteja e Koshares njihet edhe si beteja ku u thye kufiri. Në shenjë simbolike, Ushtarët e UÇK rrëzuan gurin e Kufirit që ndante Kosovën me Shqipërinë. Beteja e Koshares është një ndër betejat më të përgjakshme dhe më të suksesshme të Luftës së Kosovës.
