Nicole Kidman u detyrua të gjente një zgjidhje urgjente për fustanin e artë që kishte veshur, në ceremoninë e çmimeve “Oscar”. Ajo u shfaq në tapetin e kuq me një fustan Armani Privé, por stilistët me sa duket nuk i kishin marrë masat e duhura, dhe fustani me gurë filloi ta vriste aktoren në pjesën e qafës.
Duke qenë se aktorja ka një lëkurë shumë të bardhë, mediat arritën të kapin skuqjen në qafën e saj, që tregonte se fustani edhe pse i bukur, po e mundonte atë. Por në fund të fundit, për bukurinë duhet edhe të vuash pak apo jo!
Në fakt Nicole Kidman nuk mendon kështu, dhe pas ceremonisë ajo u fotografua në festën pas “Oscar”-it me shiritin e prerë të fustanit, që e kishte lidhur në qafë. Aktores nuk i erdhi aspak keq për fustanin, por mesa duket e preu për t’u ndjerë sa më rehat.
