Në festën e Opinion të gjithë e kishin respektuar kodin e veshjes…meshkujt u shfaqën me kostum dhe femrat me fustane ose kostume elegante pantallonash apo ndonjë kombinim tjetër gjithmonë brenda kornizave të veshjes së koktejit dhe sigurisht këpucë apo sandale me taka.
Nuk pamë asnjë nga të ftuarat ta kishte shmangur këtë element të rëndësishëm të veshjes së mbrëmjes, as modelet që me këmbët e gjata do të dukeshin bukur edhe me një palë balerina…megjithatë festa kërkonte taka dhe të ftuarat iu përgjigjën… veç njërës, e cila, edhe pse thuajse nuk ka ndryshuar asgjë në pamjen dhe veshjen e saj gjatë kësaj kohe, në muajin e nëntë të shtatzënisë, ndoshta do ishte e ekzagjeruar të rrinte me këpucë të larta për minuta të tëra në këmbë në festën e madhe.
E megjithatë, edhe pse shtatzënë dhe me shapka të sheshta, por fashion, ajo shkëlqeu. Gazetarja Ilva Tare, e njohur për stilin e saj, edhe këtë herë bëri një figurë të shkëlqyer me pamjen e kuruar me kujdes, një fustan i gjatë, i derdhur, një varg i gjatë perlash që përputhen me linjat e reja të trupit në muajin e nëntë të shtatzënisë dhe një palë shapka që edhe pse të sheshta, ishin një element shumë i rëndësishëm me ngjyrën e tyre smerald të shndritshëm.
/Class
