E kuqja është ngjyra mbizotëruese e sezonin vjeshtë-dimër 2017 dhe kur është fjala për trendin e fundit, Elvana Gjata është e para që e risjell.
Natyrisht, ngjyra e kuqe nuk është asgjë e re në sferën e modës duke menduar këtu Cindy Crawfords në vitin 1991, apo Julia Robert te filmi “Pretty Woman”. Ndërsa për këtë vit, ishte “Fendi”, që e risolli në pasarelë duke i veshur të gjitha modelet me çizme të kuqe të gjata.
Kendall Jenner kishte veshur edhe një pallto të kuqe, çantë apo syze me skelet në të njëjtën ngjyrë. Në sfilatën e Max Mara, Gigi Hadid u paraqit me të kuqe nga koka te këmbët me pantallona të gjera, pallto dhe këpucë që përputheshin me nuanca të ndryshme të të kuqes.
Ndërkohë, Elvana Gjata shfaqet e veshur e gjitha në të kuqe teksa po punon mbi një projekt në Firence të Italisë. Look-u i saj i ka rënë menjëherë në sy stilistit me të cilin Elvana bashkëpunon, Valdrin Sahitit i cili nuk ka rezistuar dot pa komentuar:
“Nale dorën”, shkruan ai teksa sheh pozicionin provokues me të cilin Elvana ka pozuar.
