Kohët e fundit flitet se Shakira ka gjetur dashurinë te Lewis Hamilton, e shkrimet që janë shkruar për ta janë të panumërta.
Disa thonë se ata ishin në një lidhje serioze dhe të dashuruar, ndërsa të tjerë thonin se shoferi i F1 ishte lodhur nga sjellja e këngëtares dhe synonte t’i jepte fund romancës së tyre.
Jordi Martin, gazetari shumë i afërt me këngëtaren ka dashur të sqarojë atë që flitet për yllin kolumbian dhe Hamilton dhe ka shpjeguar se çfarë po ndodh realisht mes tyre.
“Do të doja të përgënjeshtroja një raport që u botua në një gazetë katalanase që thotë se Hamilton është i lodhur nga qëndrimi i Shakirës. Mund ta mohoj kategorikisht këtë informacion, sepse kam folur me ambientin e Shakirës dhe ata konfirmojnë se mes saj dhe Hamiltonit ka pasur dhe do të ketë gjithmonë një miqësi të bukur”, tha ai .
“Mes tyre kishte më shumë se miqësi. Por të dy e dinin qartë se nuk kishte asgjë serioze mes tyre dhe kishin liri të plotë për të bërë çfarë të donin ”, shtoi ai.
