Stilistët Stefano dhe Domenico kanë kërkuar falje publikisht për fyrjet e përdorura ndaj popullit kinez dhe kulturës së tyre.
Reagimi erdhi pasi kinezët nisën të hidhnin në plehra mallrat e markës Dolce & Gabbana si dhe të hiqnin nga vitrinat e dyqaneve të gjitha ato produkte që mbanin emrin e saj (kliko këtu).
Stefano debatoi me komentuesen Michaela Tranova në Instagram, bisedat me të cilën përmbanin fyerje të mëdha të tipit “Shtet m*ti”, “Mafia injorante kineze që mban erë të keqe” apo “kinezë që hanë qen”.
Kjo shkaktoi një furtunë reagimesh në mesin e popullsisë kineze, të cilët janë edhe blerësit më të mëdhenj të Dolce & Gabbana.
Situata e krijuar i detyroi dy stilistët që të kërkonin falje publike përmes një videoje të publikuar këtë të premte, drejtuar popullit kinez dhe dashurisë që kanë për kulturën e tyre.
“I kërkojmë ndjesë popullit kinez në mbarë botën. Gjithmonë kemi qenë të çmendur pas Kinës, e kemi vizituar shpesh. kemi qenë në shumë qytete. E duam kulturën tuaj”.
Video u mbyll me një ndjesë mjaft prekëse nga dy stilistët, në gjuhën kineze.
Marka u përball me kritika të gjera pas një fushate reklamuese, e cila paraqiste një modele kineze që përpiqej të hante gatimet italiane si pica dhe cannoli me shkopinj. Videoja shkaktoi mjaft debat për mënyrën sesi përshkruheshin kinezët.
