Jo vetëm që s’u nderua, por në Shqipëri akuzohet si kriminel lufte dhe arrestohet ish-luftëtari i UÇK-së, Dritan Goxhaj.
Dritan Goxhaj së bashku me të atin, Dilaver Goxhaj, ish-kolonel i njohur i ushtrisë shqiptare, ndihmuan asokohe vullnetarisht Ushtrinë Çlirimtare të Kosovës, mes shumë shqiptarëve të tjerë të bashkuar.
Djali u arrestua dje me urdhër-arrest nga Dhomat e Specializuara të Kosovës me qendër në Hagë, ku po gjykohen ish-luftëtarë për krime të kryera gjatë dhe pas luftës 1998-1999. Akuza për të ende nuk dihet.
Tepër ironik është fakti që në vend t’i nderojë këto heronj që luftuan për atdheun, Shqipëria paturpësisht i arreston, duke mos njohur luftën e UÇK-së, por duke njohur juridiksionin e Gjykatës Speciale në Hagë.
Shteti ynë nuk i mbron shqiptarët e vet që bënë luftë për idealizëm, ndërsa ‘i kthen shpinën’ Kosovës duke i lënë fushë veprimi Serbisë për sulmet e njëpasnjëshme e vepra të tilla si kjo.
Ende sot e kësaj dite, Shqipëria nuk ka nderuar asnjë shqiptar të Shqipërisë e të Kosovës për kontributin në UÇK, as nga ata që janë gjallë dhe as nga ata që ndërruan jetë, por paturpësisht i arreston ata që duhet t’u kishte ngritur lapidar!
