Ildi Pajtoni, trashëgimtari i Qendrës Tregtare Pajtoni Center, ka ndërruar jetë tragjikisht.
27 vjeçari, i angazhuar në biznes si administrator i kompanive të familjes, por dhe drejtues i bizneseve të vogla që kishte inicuar vet, ka mbyllur sytë përgjithmonë dje, më 15 Korrik.
Aksidenti ka ndodhur rreth dy javë më parë dhe 27 vjeçari është dërguar me urgjencë në spital. Fatkeqësisht, pavarësisht kujdesit të mjekëve në Spitalin e Traumës, zemra e Ildit ka ndalur.
I riu ishte figurë publike në kryeqytet dhe ngushëllimet për humbjen e tij nga personazhe të showbizit shqiptar kanë qenë të shumta. I riu, djali i sipërmarrësit Mentor Pajtoni dhe nipi i biznesmenit Armando Pajtoni, raportohet se ka bërë aksident me motor.
Familja Pajtoni është ndër më të njohurat në Tiranë dhe Shqipëri, për shkak të angazhimit të hershëm në biznes.
