19-vjeçarja Maria Diana vdiq tragjikisht në Rumani kur u sulmua nga një ari në një mal që kishte shkuar për shëtitje me partnerin e saj. Më vonë 19-vjeçarja ka telefonuar autoritetet kur ariu i kapi këmbën dhe e tërhoqi zvarrë në një shkëmb 200 metra.
“Ajo ishte e tmerruar. Mund ta dalloje nga tensioni në zërin e saj. “Ajo po bërtiste ‘ariu po më afrohet gjithnjë e më shumë’. Gjithçka ndodhi drejtpërdrejt, telefonuesi mund të dëgjonte partnerin e saj të përshkruante se ishte sulmuar nga ariu që kishte rrëmbyer vajzën. Ishte e tmerrshme”,tha shefi i shpëtimit Dan Banu.
Sipas partnerit të 19-vjeçares , të dy ishin nisur drejt Spumoasa Falls kur u shfaq ariu.
“Nuk e prisnim këtë. U përpoqa të trembja arushin, por ndodhi kjo ngjarje tragjike. Do të doja të isha në vendin e saj”, tha ai për një kanal rumun. Siç u shpreh nëna e 19-vjeçares, vajza e saj ishte e lumtur pasi sapo kishte dhënë një provim dhe gjithçka që donte ishte të kalonte disa ditë të lumtura në mal.
