Një ngjarje e rëndë ka ndodhur në një market në Kosovë.
Një grua kishte dalë për të bërë pazarin në një supermarket, e cila për fat të keq përfundoi në spital. E gjitha erdhi si pasojë e një konflikti mes një burri dhe saj për shkak të hapësirës së limituar nëpër korridoret e marketit.
Ndonëse vihet re se ajo ishte e përqendruar duke bërë blerje, burri i shoqëruar nga bashkëshortja dhe fëmijët e tij të mitur, u nervozua sepse karroca e saj po i zinte vendin.
Në videon e bërë virale, të siguruar nga “Gazeta Sinjali” shihet se i dyshuari fillimisht debaton me gruan dhe megjithëse ajo ia liron rrugën, ai fillon ta godasë. Në sytë e gruas dhe fëmijëve ai e godet pamëshirshëm atë disa herë me karrocë, e më pas fillon ta godasë edhe me grushte.
Edhe pse, gruaja e të dyshuarit përpiqet ta largojë, ai kthehet sërish dhe vazhdon ta godasë me grushte të panjohurën, derisa aty shkon edhe një blerës tjetër për t’i dhënë fund gjithë kësaj skene kaq brutale.
Pas publikimit të pamjeve, Prokuroria ka kërkuar paraburgim për personin që ushtroi dhunën, Feim Berisha.
View this post on Instagram
Dhuna është një fenomen mjaft shqetësues në Kosovë, ndërsa rastet e raportuara fatkeqësisht janë gjithnjë e në rritje.
/iconstyle.al
